Salve regina mater misericordie; vita dulcedo et spes nostra, salve.
Ad te clamamus exules fili Eve, ad te suspiramus gementes
et flentes in hac lacrimarum valle.
Eya ergo, advocata nostra, illos tuos misericordes oculos ad nos converte;
et Jesum benedictum fructum ventris tui nobis post hoc exilium ostende.
Virgo mater ecclesie
Eterne porta glorie
Esto nobis refugium
Apud patrem et filium
O clemens.
Virgo clemens virgo pia
Virgo dulcis O Maria
Exaudi preces omnium
Ad to pie clamancium.
O pia.
Funde preces tuo nato
Crucifixo vulnerato
Et pro nobis flagellato
Spinis puncto felle potato.
O dulcis.
Gloriosa dei mater
Cuius natus extat pater
Ora pro nobis omnibus
Qui tui memoriam agimus.
O Maria.
Dele culpas miserorum
Terge sordes peccatorum
Dona nobis beatorum
Gloriam tuis precibus.
O mitis.
Ut nos solvat a peccatis
Pro amore sue matris
Et ad regnum claritatis
Nos perducat rex pietatis.
(O clemens, O pia), O dulcis, (O
mitis) Maria, salve.
